Վայրը՝ Արևելյան դպրոց-պարտեզ
Ժամանակահատվածը՝ հուլիսի 25-29
Մասնակիցներ՝ Արևելյան դպրոցի տարատարիք ճամբարականներ
Նպատակը՝ Ճամբարի ընթացքում շատ կարեւոր է պահպանել և էլ ավելի զարգացնել ճամբարականների մարզական հմտություններն ու կարողությունները։ Ուստի մարզական խաղերը ճամբարային գործունեութան բաղկացուցիչ մասն են կազմում։
Նպատակը և խնդիրները՝
- Նպաստել համագործակցային, խմբային կարողությունների զարգացմանը
- Բացահայտել նոր մարզական խաղեր:
Անհրաժեշտ պարագաները՝
- Գնդակներ
- Օղակներ
- Բուլավաներ
Ընթացքը՝
- Մարզական խաղերը մեծ հետաքրքրություն են առաջացնում սովորողների մոտ: Մարզական խաղերը նպաստում են սովորողների ֆիզիկական ակտիվության և ճկունության զարգացմանը, խաղերի շնորհիվ նրանց օրը դառնում է հետաքրքիր և հագեցած: Խաղերը ընտրվում են հաշվի առնելով սովորողների տարիքը և մարզական հետաքրքրությունները:
Մարզական խաղերի նկարագրություն՝
- Սովորողները բաժանվում են երկու խմբի, որից հետո յուրաքանչյուր խմբին հատկացվում են մի քանի օղակներ: Յուրաքանչյուր խմբում սովորողներից մի քանիսը բռնում են օղակները, իսկ մնացած մասնակիցները ըստ հերթականության անցնում են օղակների միջով ՝ առանց դիպչելու: Կհաղթի այն խումբը, ով առաջինը կհասնի պատին:
- Սովորողները բաժանվում են երկու խմբի, որից հետո ներկայացնում ենք խաղի կանոնները: Այնուհետև սովորողները պետք է իրենց առջև շարված օղակների միջով ցատկելով հասնեն և դիպչեն վերջում դրված բուլավաներին: Կհաղթի այն խումբը, ով առաջինը կհասնի բուլավային և կպահպանի խաղի կանոնները:
- Առաջին խաղացողը 4-անիվանի հեծանիվով՝ չկպնելով շրջանցում է արգելքները, հասնում է նշված եզրագծին, թողնում է հեծանիվը և վազքով վերադառնում: Մյուս մասնակիցը վազքով գնում է՝ հեծանիվով ետ վերադառնում: Նույնը կրկնում են շարքում կանգնած բոլոր մասնակիցները:
- Մարզական խաղերի նկարագրություն՝ Երկու խմբեր մրցում են իրար դեմ: Յուրաքանչյուր խմբին մեկական օղակ և գնդակ է հատկացվում: Օղակի մեջ պետք է մտնեն երեք հոգով, որի մեջտեղում կանգնած խաղացողը գնդակը վարելով պետք է զիգզագաձև շրջանցի բուլավաները մինչև պատը, իսկ վերադառնալիս երեքով գնդակը պետք է պահեն՝ առանց ձեռքերի օգնության: Հասնելով շարքին՝ արագ պետք է օղակը և գնդակը փոխանցել հաջորդ եռյակին:
Խաղեր գնդակներով
- Մասնակիցները բաժանվում են երկու խմբի՝ ընտրելով յուրաքանչյուր խմբի ավագի։ Այնուհետև շարքով կանգնում են և սկսվում է խաղը։ Դիմացից դեպի մասնակիցները կանգնումեն թիմի ավագներն ու գնդակները նետում են դեպի մասնակիցները։ Յուրաքանչյուր մասնակից բռնելով գնդակը ետ է նետում ու վազում շարքի վերջ։ Այսպես մինչև մասնկաիցներից առաջինը սկսած մասնակիցը նորից գալիս է առաջ։ Հաղթում է այն թիմն, որի առաջին մասնակիցն առաջին է գալիս առաջ։
- Մասնակիցները բաժանվում են երկու խմբի՝ ընտրելով յուրաքանչյուր խմբի ավագի։ Այնուհետև շարքով կանգնում են ոտքեր բաց, որպեսզի կարողանան ոտքերի միջով գնդակը փոխանցեն խաղընկերոջը։ Խաղն ավարտվում է այն ժամանակ, երբ թիմի վերջին խաղացողը ավարտում է գնդակի փոխանցումը։